Një ngjarje e rëndë ka ndodhur në Krujë, ku një 46-vjeçar ka goditur me kosore një 39-vjeçar.
Policia bën me dije se ka arrestuar autorin e dyshuar 46-vjeçarin me iniciale B.K.
Sipas policisë, ky i fundit goditi me kosore pas një sherri për motive të dobëta 39-vjeçarin me iniciale E.L. (K.) nga fshati Arrameras.
39-vjeçari është transportuar drejt Spitalit të Traumës, Tiranë, ku po merr mjekim të specializuar
“Specialistët për Hetimin e Krimeve të Komisariatit të Policisë Krujë arrestuan në flagrancë shtetasin B. K., 46 vjeç, banues në fshatin Gramëz, Krujë, pasi në këtë fshat, ka goditur me mjet të mprehtë (kosore), për motive të dobëta, shtetasin E. L.(K.), 39 vjeç, banues në Arrameras, i cili po merr mjekim në Spitalin e Traumës, Tiranë”, bën me dije policia.
Policia e ka sekuestruar në cilësinë e provës materiale mjetin e mprehtë me të cilin dyshohet se është goditur 39-vjeçari. Materialet i kaluan Prokurorisë për veprime të mëtejshme.
