Kroacia ka vendosur një mur metalik në pikën kufitare të Batinas, si pasojë e frikës së ardhjes nëpërmjet Serbisë të migrantëve të luftës nga Lindja e Mesme.
Lajmi është bërë publik nga Ministria e Punëve të Brendshme.
Mediat kanë publikuar foto që tregojnë punimet në kufi për ngritjen e “murit” të hekurt, të lartë dy metra në një urë të Danubit, kufi natyror i këtij vendi mes Kroacisë dhe Serbisë.
Dy vendet gjenden në rrugën ballkanike që përdorej në vitin 2015 dhe fillim të 2016 nga mijëra migrantë dhe refugjatë që vinin për në Evropën Perëndimore, para mbylljes së saj përfundimtare në mars.
