Shërbimi onkologjik vazhdon të përballet me mungesën e medikamenteve që nevojiten për kimioterapinë. Janë të paktën 4 medikamente, të cilat pacientet thonë se i kanë blerë me para.
Probleme me mungesat e ilaçeve ka edhe në shërbimin e onko-hematologjisë pediatrike, ku krahas citostatikëve mungojnë edhe ilaçe që nuk kanë një kosto të madhe, siç është Deltakorteni.
Burime spitalore thanë për televizionin Klan se furnizmi në sasi të pakta të preparateve të anestezisë, bën që pacientët që kanë nevojë për operacione, ta blejne vetë Propofolin në farmaci.
Të njëjtat burime konfirmuan se mungesat janë disa ditore, por të herë pas hershme. Mungesa e ilaçeve është vënë re edhe në disa spitale rajonale.
