Qytetarët shqiptarë mendojnë se ndërkombëtaret nuk do të ulin palët në një tryezë politike. Gjatë emisionit “Opinion” për qytetarët u bë pyetja: A mendoni se mund të ndikojnë ndërkombëtarët në zgjidhjen e krizës politike?
Për 2 orë në këtë sondazh votuan mbi 6 mijë ndjekës, nga këta 3600 mendonin se ndërkombëtarët nuk do të merren me palët politike në Shqipëri dhe 2500 të tjerë mendonin se po: ndërkombëtarët do zgjidhin krizën.
Delegacioni i parlamentit europian i cili vizitoi Tiranën, kritikoi sot vendimin e opozitës për të hequr dorë nga mandatet e deputetit. Në përfundim të misionit të tyre eurodeputetët u shprehën se “bojkotimi në vetvete i parlamentit, nga ana e përfaqësuesve të njerëzve përbën një sinjal shumë të keq, cënon besueshmërinë e shtetit dhe kombit në tërësi”. / Opinion.al
