Sot Organizata e Kombeve të Bashkuara ka nisur seancën e Këshillit të Sigurimit për Ukrainën. Ferit Hoxha, ambasadori i Shqipërisë në OKB, ka folur në lidhje me situatën e krijuar në Ukrainë nga prania e forcavce ushtarake të Rusisë.
Ambasadori shqiptar thotë se situata e krijuar mes Rusisë dhe Ukrainës ka sill frikë tek njerëzit dhe shqetësim për ndërkombëtarëve. Më tej, Hoxha thekson se kriza mes Ukrainës dhe Rusisë mund të zgjidhet nëpërmjet bisedimeve.
Ambasadori rikonfirmoi mbështetjen e palëkundur të Shqipërisë për sovranitetin dhe integritetin territorial të Ukrainës brenda kufijve të saj të njohur ndërkombëtarisht.
“Dhjetëra batalione janë zhvendosur tashmë në kufirin ukrainas, trupat ushtarake po dërgohen nga pjesa lindore në pjesën perëndimore të Rusisë. Këtu përfshihen forcat e rënda luftarake, tanket, sistemi i mbrojtjes ajrore të artilerisë dhe raketat balistike. Disa mijëra trupa ruse janë dërguar gjithashtu në Bjellorusi. Shqipëria beson se kjo krizë mund dhe duhet të zgjidhet me bisedime dhe diskutime. Gjetja e zgjidhjes përmes negociatave ishte fokusi ynë parësor gjatë Kryesimit të OSBE-së, në vitin 2020. E njëjta gjë mbetet edhe tani në Këshill. Është një sfidë për Sigurinë Evropiane dhe ndërkombëtare, e cila bazohet në Kartën e OKB-së. Është një fyerje ndaj Aktit Final të Helsinkit dhe Dekalogut të tij mbi të cilën është themeluar OSBE-ja“, tha Hoxha./Opinion.al
