Kryetari i Partisë Demokratike, Lulzim Basha, pas takimit “kokë më kokë” prej 20 minutash me McAllister është larguar nga Pallati i Kongreseve.
Para gazetarëve, Basha theksoi se ende nuk kanë nisur negociatat, por jemi në proces. Ai tregoi se nuk ka teknicien, u thirrëm për të vazhduar bisedimet.
Opozita vazhdon t’i qëndrojë kërkesës për qeveri teknike dhe mandatin e saj për të siguruar zgjedhje të lira e të ndershme.
Ky është raundi i dytë i takimeve. Mësohet se në takimet e drekës, eurodeputetët dëgjuan pretendimet e mazhorancës dhe opozitës.
Takimi i parë i zyrtarëve gjermanë, zv/presidenti i Partisë Popullore Europiane (PPE) David McAllister dhe raportuesi për Shqipërinë në Parlamentin Europian, Knut Fleckenstein nisi në orën 15:00 në Kryesinë e Kuvendit, me kryeministrin Edi Rama dhe kryetarin e Kuvendit, Ilir Meta.
Pas këtij takimi, David McAllister dhe Knut Fleckenstein iu drejtuan selisë së Partisë Demokratike ku u pritën në takim me kryedemokrat Lulzim Basha i cili shoqërohej nga deputetët Gerti Bogdani dhe Oerd Bylykbashi.
