Kryeministri Edi Rama ka folur përsëri në lidhje me paketën “anti-KÇK”, të miratuar nga qeveria, ndërsa aksioni i parë i Operacionit Forca e Ligjit nisi këtë të hënë.
Përmes një postimi në rrjetet sociale, kryeministri ka mbrojtur paketën “anti-KCK”, duke thënë se aksionet OFL kanë marrë kritika aspak me vend nga elementë të opozitës.
LEXO EDHE- Rama paralajmëron njësinë e re speciale
Rama shprehet se një qytetar i cili është i tronditur nga kritika e bërë ndaj “anti-KÇK” i ka shkruar “A janë njerëz këta a ça janë?”.
Po ashtu, numri një i qeverisë shprehet se Qeveria është e angazhuar në luftimin e krimit, duke thënë se deri dje kundërshtarët e lidhnin me çdo fitore elektorale të PS.
Reagimi
“A janë njerëz këta a ça janë?”,më shkruan një qytetar i tronditur nga komentet e studiove televizive kundër paketës antiKÇK!Eh,kanë kaq kohë që shajnë,akuzojnë,shpifin për lidhjet e qeverisë me krimin dhe mblidhen në sallonet tv sa herë ndodh një vrasje, duke sulmuar qeverinë. Sot që qeveria është angazhuar në ofensivën më shembullore kundër krimit në historinë e vendit,mblidhen në sallonet tv për të mbrojtur krimin nga qeveria që po shkel të drejtat e atyre,të cilët deri dje pa pikën e turpit, i lidhnin me mua,me PS e me çdo fitore elektorale të PS. Njerëz janë njerëz, po janë armiqësuar me të vërtetën, me faktet e me vetë profesionin e tyre për inat të qeverisë!Dhe janë kaq qorrazi kundër qeverisë, sa tani janë kthyer befas në avokatë gjynahqarë të krimit./ Opinion.al
