Ministri i Brendshëm Fatmir Xhafaj e quajti 2017 nëj vit jo pozitiv për Lezhën sa i takon situatës së kriminalitetit.
Në një prononcim për median, pas analizës vjetore, Xhafaj tha për gazetarët se policia ishte e vendosur për të goditur grupet kriminale ndërsa shprehu shqetësim për abuzimet që janë bërë me pronat në bregdet.
“Shkaktarët do të vendosen para drejtësisë. Ka një punë të nisur për përbërjen dhe asetet e grupeve kriminale. Jemi të vendosur për të goditur grupet kriminale” premtoi Xhafaj.
Ministri i Brendshëm e cilësoi si tregues pozitiv të policisë së Lezhës angazhimin e saj për luftën kundër kanabisit si dhe menaxhimin e sezonit veror ndërsa beson se vettingu do të rrisë besueshmërinë e qytetarëve.
” Përmes vettingut në polici synojmë të rrisim besimin brenda radhëve të Policisë së Shtetit. Kemi si qëllim të rrisim besueshmërinë e qytetarëve te policia”
