Kreu i PD-së, Sali Berisha ka hedhur akuza ndaj ministes së Infrastrukturës dhe Energjisë, Belinda Balluku.
Gjatë konferencës me gazetarët, Berisha deklaroi se Belinda Balluku kryeson krimin shtetëror, duke theksuar se ka hapur zyrat në të gjithë Myzeqenë me punonjësit e ministrisë që ngulen aty si terroristë elektoralë.
“100 ditët e para do të jenë 100 ditët e transformimit rrënjësor të Shqipërisë.
Koha nuk pret ndaj edhe do të përgatiten të gjitha vendimet e 100 ditëve të para gjatë këtyre muajve para fushatës në mënyrë që të firmosen si vendimet qeverie apo akte normative për të bërë realitet programin tonë transformues të Shqipërisë.
Është domosdoshmëri e madhe. Ka një diskreditim të këtij regjimi, personalisht të Edi Ramës, i cili është i aftë të marrë çdo vendim për të siguruar karrigen e tij pasi e di që në Evropë, ai dhe Lukashenko, Putin janë 3 kampionë të krimeve ndaj vendit të tyre, krime politike.
Në gjithë përgatitjen tonë është e domosdoshme një seri aktesh dhe vendimesh që sjellin desorozimin e shoqërisë shqiptare.
Në këtë periudhë Edi Rama është angazhuar në krime të mëdha elektorale. Krimin shtetëror elektoral e kryeson Lubi Balluku, ky person që vjedhjet e saj tejkalon pas Edi Ramës çdo person tjetër në historinë e vendit, Ka hapur zyrat në të gjithë Myzeqenë me punonjësit e ministrisë që ngulen aty si terroristë elektoralë.
Përdorimi i shtetit elektoral për dhunim e votës është thirrje e brendshme për demokratët, mosbindje civile.
Edi Rama s’mund të grabisë kurrë këto zgjedhje, jemi përgatitur për fushatë elektorale të ndershme, të drejtë, të qartë dhe të konkurrojmë me alternative, por nëse ai shpalos shtetin elektoral dhe ne shpalosim të gjithë zemërimin e qytetarëve kundër shtetit elektoral.
Lubi loti është monstër e shtetit elektoral. Peshkopinë e drejtonte me Ymer Lalën, nga resorti i tij, që ia asfaltonte rrugën deri tek dera e resortit.
Tani në Fier përdor metodat e një terrorizmi të vërtetë elektoral. Të njëjtët gjë bëjnë kudo, kryetarët e bashkive kanë braktisur detyrat.
Rrinë nëpër botë nëpër fushatë elektorale, përgëzoj emigracionin që po i refuzon, as sa nuk janë në gjendje të filmojnë takimet e tyre sepse janë të dështuar atë gjitha, kryetarët e bashkive nga Saranda gjer në Kukës janë shpërndarë si terroristë elektoralë.
Edi Rama po përdor trafikantë e oligarkë, ai i paguan takimit në Milano, këtu i jep leje ndërtimi”, tha Berisha.
