Lidhur me ngjarjen e rëndë në Korçë, ku babai u mori jetën dy fëmijëve të mitur 4 dhe 6 vjeç dhe më pas vrau edhe veten, kanë folur fqinjët e familjes Toshi. Ata thanë se autori i krimit monstruoz Naum Toshi kishte dy muaj që ishte kthyer nga Greqia. Ai kishte probleme me bashkëshorten e cila ishte 17 vite më e re se ai.
Sipas dëshmive të fqinjëve mësohet se Marsela Toshi ishte larguar nga banesa dy javët e fundit pas debateve të shumta që kishte çifti. Ndërsa mbrëmjen e djeshme kur ndodhi tragjedia ajo ishte kthyer në banesë që të merrte me vete dy fëmijët e mitur. Duket se debatet mes tyre kanë zgjatur deri pas mesnate.
Ndërsa në orët e para të mëngjesit ai ka vrarë fëmijët duke i mbytur me tel. Më pas ka varur veten në litar. Tek dera 41 vjeçari kishte lënë një letër ku shkruante “ngjitu lart”. Babai i moshuar i autorit të krimit, ka gjetur letrës dhe ku ka hyrë brenda ka parë masakrën që kishte bërë i biri.
Çifti Naum dhe Marsela Toshi jetonin në një shtëpi dykatëshe në lagjen nr.4 në Korçë. Marsela, 24 vjeçe punonte si kamariere, ndërsa Naumi ishte emigrant. Krimi monstruoz ndodhi në orët e para të ditës së sotme në katin e dytë të shtëpisë. /Opinion.al
