Një 49-vjeçar shqiptar me banim në Foxhia të Italisë është vrarë për motive xhelozie. Ngjarja ka ndodhur në një provincë të Avelinos dhe ka për autor italianin Alesandro Palermiti.
Italia kapi në kushte flagrance bashkëshorten e tij bashkë me shqiptarin H.T., duke bërë që ta sulmonte me thikë.
Italiani po përgjonte bashkëshorten e tij, e cila kishte lënë takim me të dashurin shqiptar. Rosina Riçi, 47 vjeçe, e cila punonte si kameriere, u takua pranë një fabrike me shqiptarin.
Pasi u bind se shqiptari ishte vërtetë i dashuri i bashkëshortes së tij, Palermiti i është sulur me thikë në dorë duke e lënë të vdekur pak metra larg makinës “Mercedez”.
52vjeçari e goditi katër herë shqiptarin. Autori i krimit u kap nga policia me duar të mbuluar në gjak.
Pasi vrau shqiptarin, ai detyroi bashkëshorten të hipte në makinën e tij. Por, jo shumë larg vendngjarje u ndalua nga policia, të cilës nuk iu bind.
Mediet italiane raportojnë se 52-vjeçari donte të vriste dhe bashkëshorten. Por, ajo shpëtoi falë koincidencës pasi policia ndaloi për kontroll makinën e tyre. (Panorama.al)
