Prokuroria e Posaçme Kundër Korrupsionit dhe Krimit të Organizuar ka kryer operacion në disa qytete të vendit.
Mësohet se janë firmosur disa urdhërarreste për krim të organizuar.
Sipas informacioneve paraprake, urdhërarrestet janë lëshuar pas deklarimeve të të penduarve të drejtësisë, si dhe bazuar në komunikimet në Sky Ecc.
Operacioni për ekzekutimin e masave të sigurisë po kryhet në Elbasan.
Urdhërarrestet janë lëshuar për ngjarje të rënda kriminale që kanë tronditur Elbasanin ndër vite. Sipas të njëjtave burime, urdhërarreste janë lëshuar dhe për ish-zyrtarë të drejtësisë.
Akoma nuk dihen detajet e këtij operacioni, ndërsa informacione më shumë priten në vijim.
