Kryeministri Edi Rama pranon se krimi në Shqipëri është një fenomen real dhe jo fantazi. Po sipas tij, krimi është kthyer në një shenjë në fytyrën e Shqipërisë, si rezultat i përpjekjes masive të kundërshtarëve politikë.
“Është një fenomen real, nuk është fantazi. Që është krimi. Për fatkeqësinë e këtij vendi është kthyer në një shenjë në fytyrën e Shqipërisë, si rezultat i përpjekjes masive të kundërshtarëve tanë politike në gjuhë të huaj. Edhe tek krimi jemi tek ato kushte, si tek shëndetësia, ekonomia e etj”, tha Rama.
“Ku janë ata njerëz që po vriten përditë. Janë në atmosferën e rënduar nga fjalët, nga lajmet. Para dy ditësh hapa një nga këto portalet, edhe ishte një titull: 5 policë të vrarë. Ata nuk ishin vrarë në Shqipëri, të gjithë këto së bashku krijojnë një situatë të rëndë perceptimi. Në kohën e atyre që sot na flasin ne për vrasje e krime, ishte mbi 100, janë vrarë 126 veta, që i bie një në dy ditë gjatë gjithë vitit. Sot jemi në shifrën më të ulët”, theksoi më tej kryeministri.
Sipas tij arritjet e qeverisë që drejton, i tregon edhe shifra e aseteve të sekuestruara. “Shqipëria sot është më e sigurt, kjo nuk ka asnjë diskutim”, tha Rama./ Opinion.al
