Prokuroria e Krimeve të Rënda ka mbyllur hetimet ndaj ish-ministrit të Brendshëm, Saimir Tahiri. Të enjten Tahiri do të njihet me akuzat e ngritura ndaj tij, në mënyrë që të përgatisë mbrojtjen ligjore.
Tahiri do të paraqitet në orën 13.00 në Prokurori, ndërkohë që dosja në ngarkim të tij i ka kaluar tashmë Gjykatës së Krimeve të Rënda. Gjykata e Krimeve të Rënda i kishte lënë afat Prokurorisë së Krimeve të Rënda, datën 10 mars për të dorëzuar provat në ngarkim të Saimir Tahirit.
Kjo pas apelimit që Tahiri i kishte bërë shtyrjes së herëpashershme të hetimeve që kjo Prokurori i kishte bërë çështjes së tij. Tahiri akuzohet për përfshirje në trafikun e drogës, duke favorizuar bandën e “Habilajve”.
Deri më tani shkak për zgjatjen e hetimeve nga ana e prokurorëve të çështjes është është bërë letër-porosia që autoritetet shqiptare i kanë dërguar Malit të Zi dhe Katanias. Nuk dihet nëse partnerët kanë kthyer përgjigje, gjë që mbetet për tu parë ditën e nesërme, kur Tahiri të njihet me akuzat. /D.l Opinion.al
