Shtatë persona janë arrestuar në Kurbin, ndër ta dhe një punonjës policie. Hetimet janë kryer nga Prokuroria e Krimeve të Rënda, dhe janë dokumentuar 14 raste të kultivimit të kanabisit.
Policia arrestoi Zan Kasmin, efektiv i policisë së Kurbinit, cili duhej të njoftonte në rastet operacioneve të mundshme policore anti-kanabis në atë zonë si dhe shtetasit Luftëtar Nelaj, Hashim Nelaj, Elton Haxhia, Bashkim Kodra. Ky i fundit është ndihmës mjek dhe u kap me cilësinë e bashkëpunëtorit në këtë rrjet. Me heret si pjese e ketij grupi kriminal jane arrestuar dhe Sami Balloku dhe Aldo Xhaferri.
Hetimi zbuloi se organizues e financues i aktivitetit ishte Luftëtar Nelaj. Ai kishte krijuar një zinxhir pune që nga kultivimi i drogës, paketimi dhe shitja e saj më pas jashtë vendit.
Mësohet se hetimet për këtë rrjet, janë drejtuar nga prokurori Ened Nakuçi, i cili ka evidentuar që nga data 21 shtator deri më 16 nëntor rreth 45 parcela të mbjella me hashash nga 12 të dyshuarit.
Gjatë veprimtarisë së tyre kriminale, thuhet në dosjen e prokurorisë, të dyshuarve i janë sekuestruar rreth 212 kg hashash dhe rreth 28 mijë rrënjë cannabis sativa, disa prej të cilave në process tharje. E gjithë kjo sasi droge është kultivuar në fshatrat e Kurbinit, Matit, Milotit dhe Mamurrasit.
Të 7 personat që u arrestuan me vendim të Gjykatës së Krimeve të Rënda, pritet që në ditët në vijim të dalin para togave të zeza për verifikimin e masës së sigurisë.
*foto ilustruese nga aksionet e policise
