Një ngjarje e rëndë ka ndodhur mesditën e sotme. Dy persona që mendohet se kanë qenë në një lidhje janë gjetur pa jetë rreth orës 11:40 në aksin rrugor Fier-Hoxharë, në afërsi të fshatit Shënpjetër.
Pas njoftimit nga banorët, porlici gjeti brenda në mjetin tip Fuoristradë me targë AA 939 OY dy persona pa jetë. “Nga këqyrja e vendit të ngjarjes u bë identifikimi i viktimave të cilët janë D.D, 32 vjeç, banues në Fier dhe E.A 29 vjeçe, banuese në fshatin Ngurrëz, Lushnje”.
Policia tha se djali ka vrarë vajzën dhe më pas edhe veten. “Personi me iniciale D.D mban në dorë 1 pistoletë të tipit TT e armatosur dhe ka qitje me puqitje në kokën e tij. Nga të gjitha rrethanat e mësipërme rezulton që shtetasi D.D pasi ka vrarë shtetasen E.A, ka vrarë veten. Grupi hetimor në bashkëpunin me Prokurorinë po punojnë për zbardhjen e plotë të ngjarjes”, thuhet në njoftimin zyrtar. /Opinion.al
