Një grua humbi jetën në Kuçovë pasi u qëllua me thikë nga burri i saj. Krimi i rëndë në familje ndodhi pas mesnatë në Kuçovë. Nga hetimet e para, rezulton se shkak i ngjarjes së rëndë është bërë xhelozia. Rruzhdi Luzi 57 vjeç vrau bashkëshorten, Manjola Luzi 49 vjeç, njofton policia.
Mësohet se ngjarja ka ndodhur rreth orës 01:00 pas mesnate, në fshatin Drizë të Kuçovës. Pas një konflikti brenda familjes, burri ka marrë thikën e bukës, duke e goditur gruan.
Sakaq, policia e Kuçovës ka arrestuar autorin e ngjarjes, ndërsa vijon hetimet për zbardhje e plotë të shkaqeve dhe rrethanave të krimit.
