TIRANË- Aksidentet kanë shënuar bilanc lufte edhe në këtë ndërrim vitesh. Në 24 orët e fundit numërohen 5 të vdekur në aksidente dhe 4 të plagosur. 2016 shënoi edhe një krim në familje. Në skajin jugor, Sarandë, burri vrau gruan e më pas veten.
Afrim Uzo, 47- vjeç qëlloi me kallashnikov gruan e tij Lina Uzo, 45 – vjeç e cila gjeti vdekjen e menjëhershme. Më pas 47- vjeçari qëlloi edhe veten me armën që vrau gruan. Lina Uzo, ka qenë e pajisur me “Urdhër Mbrojtjeje” pasi Afrim Uzo, ushtronte dhunë fizike dhe psikologjike kundrejt saj.
***
Pasditen e 31 dhjetorit një çift humbi jetën në autostradën Lushnje-Fier pasi makina e tyre doli nga rruga në afërsi të fshatit Vajkan. Për pasojë 30- vjeçari, Elvis Pirra së bashku me te fejuarën 27- vjeçare humbën jetën. Shkak i aksidentit dyshohet të ketë qenë shpejtesia e lartë.
Dy viktimat të tjera u shënuan në ndërrimin e viteve në aksin Pogradec Qafë-Thanë dhe Lushnje-Berat. Rudolf Javxhiu, nga Pogradeci gjeti vdekjen pasi makina me të cilën ai udhëtonte doli nga rruga, ndërsa një 17- vjeçar humbi jetën në Fier, Shegan të Lushnjës nga humbja e kontrollit të motoçikletës.
Në aksin rrugor Velipojë –Shkodër kater të rinj mbeten të plagosur pasi automjeti me të cilin ata udhëtonin devijoi drejtim duke rënë në kanal. Njëri prej të lënduarve ndodhet në gjendje të rëndë për jetën.
***
Mesditën e sotme, 1 Janar, një punonjësi policie u aksidentua për vdekje në stacionin e autobusit teksa priste të shkonte në punë.
Njazi Çera ishte punonjës i policisë së Postës së Farkës, u godit për vdekje nga një Benz i drejtuar nga një 33 – vjeçare.
