Dritan Demiraj, 31 vjeç, që vrau nga xhelozia ish-partneren e tij Lidia Nusdorfi dhe të fejuarin e saj Silvio Manina në vitin 2014, është tashmë një person i lirë. Vendimin e ka dhënë Gjykata e Bolonjës që ka marrë për bazë këshillën e mjekësisë ligjore, të cilët e cilësojnë si të pakthyeshme gjendjen e tij mendore.
Për shkak të dënimit bukëpjekësi shqiptar ishte transferuar në burgun e Parmës ku më 6 prill 2016 u sulmua nga një tjetër i dënuar me kombësi rumune, të njëjtë me të viktimës, ish-partneres së tij.
Nga agresioni barbar nga ku ra në koma të gjatë, Demiraj u detyrua më pas të qëndronte në karrige me rrota, duke humbur edhe pjesë të aftësisë së tij mendore.
Demiraj i është nënshtruar ekspertizës mjeko-ligjore me kërkesë të avokatit nga ku rezultoi se bukëpjekësi ka humbur kujtesën, nuk i kujtohen vrasjet apo çfarë ndodhi më pas, apo për mjedisin që e rrethon. “Ai flet por nuk lëviz në mënyrë të pavarur. Është si një fëmijë që jeton nga dita në ditë – tha avokati i tij Orru – Vendimi për të mos e ndjekur penalisht parashikon gjithashtu edhe lirimin e menjëhershëm te tij”
Vrasja në Mozzate
Historia e trishtë doli në dritë, kur në pasditen e vonë të 1 marsit, ai vrau gruan në nënkalimin e Mozzate (stacion hekurudhor në Como), vendi ku Lydia ishte transferuar nga Rimini, qyteti ku jetonte, pas ndarjes me Demiraj. Në fillim Dritani tha se ai ishte duke punuar në furrë gjatë gjithë natës, dhe kjo u konfirmua edhe nga punëdhënësi. Por karabinierët nuk i besonin dhe në fund ai rrëfeu të vërtetën.
Disa ditë para se të ndërrmerrte këtë akt, Demiraj kishte torturuar dhe vrarë të dashurin e ish-partneres së tij, krim të cilin e kishte kryer në bashkëpunim me të dashurën e tij Monica Sanchi, më datë 28 shkurt, e cila kishte futur në kurth viktimën nëpërmjet një takimi të sajuar në facebook.
