Kryetari i Partisë Demokratike, Lulzim Basha ka publikuar mëngjesin e sotëm në rrjetet sociale raportin e Agjencisë së Vlerësimit të Standard & Poor’s, krahas së cilit shkruan ku thotë se qeveria rrezikon borxhin publik me krijimin e Korporatës së Investimeve Strategjike.
Në reagimin e tij, kryedemokrati, shprehet se S&P paralajmëron ulje në renditje për vendin tonë pasi korrupsioni i qeverisë me PPP po shkatërron stabilitetin fiskal dhe ekonominë shqiptare.
Ndërkohë, në raportin përmbledhës të vlerësimit për Shqipërinë të Agjencia e Vlerësimit të Standard & Poor’s (S&P) “Risku kontingjent fiskal mbetet i lartë s i pasojë e PPP-ve. Ndonëse qeveria ka vendosur si tavan për pagesat e PPP-ve normën 5% të ardhurave tatimore vjetore ne mendojmë se kjo nuk do të zbatohet nga qeveria, pasi nuk ka asnjë mbikëqyrës për zbatimin e këtij përcaktimi”.
Sipas vlerësimeve të S&P Shqipëria vlerësohet dobët në “Vlerësimin institucional”, gjendjen ekonomike (kjo bazuar në GDP/capita dhe trendin rritës), gjendjes së borxhit dhe eficencës së politikës monetare.
Postimi i Bashës
Qeveria rrezikon borxhin publik me krijimin e Korporatës së Investimeve Strategjike. Për këtë arsye S&P paralajmëron ulje të renditjes për vendin tonë. Sipas S&P korrupsioni i qeverisë me PPP po shkatërron stabilitetin fiskal dhe ekonominë e shqiptarëve./ Opinion.al
