Epidemia e koronavirusit ka shënuar 366 viktima në Itali.
Mediat lokale raportojnë se numri i të prekurve aktualisht është 6387 ndërsa 622 janë shëruar.
Lobardia vijon të mbetet rajoni më i prekur, ku rezultojnë 267 të vdekur, 113 prej tyre janë shënuar vetëm 24 orët e fundit. Sot qeveria italiane vendosi që të bllokojnë lëvizjen në Lombardi dhe 14 provinca të tjera. Pak më herë kompania ajrore “Alitalia” njoftoi se do të ndërpresë nga dita e nesërme të gjitha fluturimet në aeroportin e Milanos.
Pozitiv në testin për koronavirus ka rezultuar dhe Kreu i Shtabit të Përgjithshëm të ushtrisë italiane Salvatore Farina.
“Sot bëra testet për koronavirus të cila rezultuan pozitive. Për momentin jam vetëkarantinuar dhe jam në gjendje të mirë shëndetësore. Jam në kujdes të veçantë nga mjekët” thotë ai.
Këshilltari për Mirëqenien e rajonit të Lombardisë, Giulio Gallera theksoi se mënyra e vetme për të fituar këtë betejë është që të shmangen tubimet. /Opinion.al
