“Nuk do të kursejmë askënd”, kështu ka deklaruar kreu i SPAK, Altin Dumani gjatë një takimi pa praninë e mediave të zhvilluar pasi mori pjesë në takimin e parë të nismës më të re të dialogut mes institucioneve dhe aktorëve të politikëbërjes, “IDM Morning Briefing”.
Në këtë takim, Dumani është shprehur se SPAK po vijon punën për hetimin e zyrtarëve të lartë të korruptuar dhe krimit të organizuar.
Më tej, Dumani ka thënë; “Për vitet e ardhshme duhet të besojmë që kemi një institucion të konsoliduar me hetime dhe vendime ndaj të gjitha niveleve. Është e vështirë, por jo e pamundur. Rezultatet na stimulojnë dhe na nxisin që të punojmë akoma më shumë”.
Kjo deklaratë vjen një ditë pas arrestimit të drejtorit të ARRSH Evis Berberi, i akuzuar për korrupsion dhe pastrim parash.
