Erdogan ka tashmë gati kabinetin me të cilin do të drejtojë Turqinë përgjatë një mandati të ri, të marr nga qytetarët turq në një garë që shkoi deri në balotazh. Vetëm dy nga ministrat e kabinetit të shkuar mbeten edhe në këtë mandat. Ai i shëndetësisë Fahrettin Koca dhe Ministri i Kulturës dhe Turizmit Mehmet Nuri Ersoy.
Ndryshimet më të rëndësishme në kabinet janë ato që lidhen me mbrojtjen, diplomacinë apo ushtrinë dhe financat. Kështu posti i Ministrit të Jashtëm nuk do të jetë më në besimin e Cavusoglu, por të Hakan Fidan, një diplomat i cili prej vitit 2010 drejtonte Shërbimet Inteligjente Turke, (MIT). Ministria e Mbrojtjes i është besuar Yasar Güler, ndërsa Mehmet Simsek do të drejtojë financat. Në postin e Ministrit të Brendshëm Ali Gerlikaya zëvendëson të famshmin, Suleiman Soylu./Opinion.al
