Kryetari i Partisë Demokratike, Lulzim Basha do të flasë pas pak çastesh nga çadra e protestës për dorëheqjen e ministrit të Brendshëm, Saimir Tahiri.
Burime të Opinion.al, bëjnë me dije, se Basha është drejtuar nga çadra dhe ku pritet të mbajë fjalën në lidhje me lajmin e dorëheqjes së ministrit Saimir Tahiri, mesditën e sotme.
Dorëheqja e ministrit të Brendshëm, u pa, si një nga opsionet e para të diskutimit për zhbllokimin e situatës politike në vend.
Tahiri ishte ministri më i akuzuar dhe shigjetuar nga opozita, për lidhje me krimin, trafikantë të drogës dhe kriminelë.
Ndërkohë që opozita prej 18 shkurtit kërkon largimin e Ramës dhe qeveri teknike për t’i hapur rrugë zgjedhjeve të lira.
Sot, kreu i PD-së, Basha tha se nuk tërhiqet nga rruga e nisur së bashku me popullin deri në largimin e Ramës, duke përsëritur se largimi i tij është kushti i panegociueshëm./Opinion.al
