Arben Bilali, u vra tri ditë më parë në derën e shtëpisë së tij, nga autorë ende të panjohur.
Një nga pistat kryesore dyshohet se është hakmarrja.
50 vjeçari është vëllai i tretë që vritet në familjen Bilali.
Gjin Marku, kreu u Komitetit Shqiptar të Pajtimit, thotë në një intervistë për “GSH”, se familja Bilali kishte shprehur shqetësim edhe më herët, mbi mundësinë e një hakmarrje të mundshme.
“E njoh këtë familje fatkeqe dhe e di se ata janë përfshirë në disa raste tragjike, ku policia nuk ka mundur të identifikojë autorët. I shpreh keqardhjen e ngushëllimet më të thella familjes Bilali, e cila ka ngritur shqetësimin edhe para zyrës sonë, por pa identifikuar autorët. Pa identifikimin e autorëve, për ne ka qenë e vështirë të bëjmë hapa për pajtim e sqarim të situatave që kanë çuar në vrasje vëllezërit Bilali. Kemi shumë raste të tilla. Ka edhe raste të tjera ekstreme vras-jesh, që autorët fshihen mbas vendimeve të gjykatave”, u shpreh Marku.
Sipas Markut, zonat më tipike në Tiranë me mbartje familjesh në gjak janë Kombinati, Yzberishti, Selita dhe Kamza.
