Sekretari i përgjithshëm i Kombeve të Bashkuara (OKB), António Guterres ka thënë në një konferencë shtypi se situata në Gaza është një “krizë e njerëzimit” dhe se enklava palestineze po “bëhet shpejt një varrezë për fëmijët”.
“Qindra vajza dhe djem thuhet se vriten ose plagosen çdo ditë”, thotë Guterres, i cili ka udhëhequr OKB-në që nga viti 2017.
Ai shton se konflikti ka “tronditur botën” dhe “ka shkatërruar kaq shumë jetë të pafajshme”.
Guterres përsërit dënimin e tij për “aktet e neveritshme të terrorit të kryera nga Hamasi më 7 tetor”, duke thënë se luftëtarët e tij kanë përdorur civilët si “mburoja njerëzore” dhe vazhdojnë të godasin Izraelin.
“Asgjë nuk mund të justifikojë torturën e qëllimshme, vrasjen, plagosjen dhe kidnapimin e civilëve. Mbrojtja e civilëve duhet të jetë parësore,” thotë ai.
Kujtojmë se të paktën 10.022 palestinezë, përfshirë 4.104 fëmijë dhe 2.641 gra, janë vrarë në bombardimet izraelite në Rripin e Gazës. Sipas shifrave zyrtare, numri i të vdekurve izraelitë është pothuajse 1.600.
Përveç numrit të madh të viktimave dhe zhvendosjeve masive, furnizimet bazë po mbarojnë për 2.3 milionë banorët e Gazës për shkak të rrethimit izraelit./Opinion.al
