Kjo është lista me 9 xhamitë më problematike hartuar nga Komuniteti Mysliman në vitin 2015. Këto objekte kulti janë jashtë juridiksionit të Komunitetit dhe imamet e tyre nuk janë të emëruar prej tij.
Në listë janë të përshira një xhami në Pukë, dy në Tiranë, një në Cërrik, një në Bulqizë dhe katër të tjera në Librazhd.
Kjo listë është bërë shkak që në gjyqin e 9 të arrestuave për terrorizëm situata të tensionohet. Këtë të martë ishte thirrur për të dëshmuar kreu i Komunitetit Mysliman, Skënder Bruçaj. Sipas ish – imamit të Xhamisë së Unazës së Re në Tiranë, Genci Balla, Bruçaj është përçarës i myslimanëve dhe kjo listë është tregues i kësaj.
Të pandehurit kanë qënë në bllok kundër Bruçajt kur Zeqir Imeri e ka quajtur spiun.
Gert Pashja i ka kujtuar se ai ka predikuar me një Kuran të botuar nga Komunitetit Mysliman. Gjatë dëshmisë së Bruçajt, dy mbështetës të të akuzarve u larguan nga salla nga forcat e sigurisë.
Kreu i Komunitetit Mysliman nuk iu kundërpërgjigj akuzave dhe tha se ka bërë detyrën duke i dhënë prokurorisë informacionin që i është kërkuar. /Tv Klan
