Ditën e sotme është zhvilluar mbledhja e Gjyqtarëve të Gjykatës Kushtetuese, për zgjedhjen e Kreut të ri të Gjykatës Kushtetuese.
Në këtë mbledhje janë prezantuar platformat dhe vizionet te kandidateve, Fiona Papajorgji, Marjana Semini dhe Holta Zaçaj, të cilat garojnë për kreun e “Kushtetueses”.
Por në përfundim të këtij procesi asnjë nga kandidatet nuk mori shumicën ligjore prej të paktën 5 votash.
Në këtë mënyrë mbledhja e Gjyqtarëve të Gjykatës Kushtetuese ka vendosur të zhvillojë raundin e dytë të votimit për në datën 17 shkurt 2023, ora 10:00.
