Olsi Rama, vëllai i kryeministrit Edi Rama ka kallëzuar në SPAK, kreun e Grupit të PD-së, Gazment Bardhi, të cilin e akuzon për “kallëzim të rremë’.
Në një shkresë të depozituar ditën e sotme, Olsi Rama thekson se janë deklaruar në dalje televizive fakte të pavërteta, për të cilat ai thotë që s’janë konsumuar nga ana e tij.
Kujtojmë se disa ditë më parë Gazment Bardhi, në një deklaratë për mediat akuzoi vëllain e kryeministrit, Olsi Ramën, për përfshirjen në laboratorin e drogës së “Xibrakës”.
Bardhi publikoi të dhëna, të cilat, sipas tij, vërtetonin përfshirjen e Olsi Ramës në trafikun e drogës.
Ai tha se Olsi Rama ka përdorur të njëjtin automjet të paktën në 7 raste, që përdornin dhe anëtarë të tjerë të grupit kriminal. Asokohe sipas Bardhit, Olsi Rama ishte 45 vjeç.
