Vajza e politikanit serb Nikola Sanduloviç, Klara, është ndaluar nga policia serbe në pikë kufitare në Merdarë, vetëm pak orë pas nderimit që i bëri familjes Jashari.
Lajmin e bëri të ditur Nikola Sanduloviç, i cili është kryetari i Partisë Republikane Serbe dhe tha se vajzës së tij nuk i është lejuar kthimi në Serbi.
Përmes një postimi në rrjete sociale, Sanduloviç shkruan se vajza e tij po persekutohet nga regjimi diktatorial i presidentit serb, Aleksandar Vuçiç.
”Regjimi diktatorial i Aleksandar Vuçiçit vazhdon ta persekutojë vajzën time, Klarën. Policia po e mban atë dhe zyrtarët e Partisë Republikane në pikëkalimin kufitar të Merdarit dhe nuk po i lejojnë të hyjnë në Serbi”, ka shkruar ai./Opinion.al
