Aleanca Kuq e Zi është mbledhur këtë të dielë në dyer e Bashkisë së Tiranës ku nuk kanë munguar edhe këtë herë tonet e forta të përdorura nga drejtuesi i kësaj lëvizje Kreshnik Spahiu, i cili i ka kujtuar kryetarit të Bashkisë Erion Veliaj se ka braktisur Tiranën duke shkuar në Sri Lanka, pikërisht në periudhën kur qyteti është përmbytur. Spahiu i është drejtuar Veliajt duke i thënë se do të vendosim zjarrin, dhe ndërkohë ka demostruar duke hedhur lënde piroteknike në dyert e Bashkisë.
Spahiu tha se Erion Veliaj bëri një javë safari me SOROS në Sri Lanka, duke mos u interesuar fare për qindra familje të përmbytura nga reshjet e shiut.
Ndërkaq, gjatë fjalës së tij, kreu i AK-së, Kreshnik Spahiu denoncoi ashpër kryetarin e Bashkisë së Tiranës se ka marrë ryshfet 1 milion euro nga kompanitë e autobuzave.
“Tirana t’voton, Tirana t’arreston”, aktivistë kuqezi kanë rrëthuar Bashkinë e Tiranës duke hedhur flakadanë dhe bomba tymuese janë hedhur brenda zyrës së kryetarit Veliaj.
