Drejtuesi i Aleancës Kuq e Zi, Kreshnik Spahiu, i cili ka ndjekur debatin e sotëm për ligjin për mediat online ka ndërhyrë nëpërmjet një mesazhi. Spahiu shkruan: “Edi Rama prodhoi modelin e analizave online në fb dhe tëiter. Edi Rama nuk u censurua nga qeveria Berisha. Edi Rama sot kontrollon çdo tv dhe gazetë por nuk kontrollon median online. Tre modele ka kopjuar Milena: Erdogan, Kim Jong, Ifanin.
Më tej Spahiu shkruan:
“Asnjë portal online s’mund të kufizohet në hapësirë. Ligji shqiptar kërkon të frenojë çdo zë opozitar. Portali nuk është fenomen me negativ se Portokallia apo Fiks Fare. Nëse Bleona Qerreti ishte pa veshmbathje nuk eshte turp i portalit por i fenomenit. “
Sipas drejtuesit të AK-së: “Edi Rama ka kopjuar Erdogan që të mbyllë internetin, facebook dhe çdo portal kundra por çfarë do bëj me portalet që janë regjistruar në SHBA, Itali, Angli. Milena të tërhiqet sepse kjo luftë po bëhet sepse OSBE publikoi në raportin e mafies shqiptare që Edi Rama pastron 200 milion euro ne SHBA dhe kjo u publikua nga portalet online. Mbyllja e mediave online eshte fundi i një pushteti”, përfundon Spahiu.
