Kryeministri Edi Rama tha nga porti i Shëngjinit se emigrantët afganë që do të vijnë në vendin tonë, nuk do t’i largojnë kurrë nga Shqipëria.
Në një konferencë të përbashkët me homologen e tij italiane, Georgia Meloni, Rama tha se këta njerëz nuk janë pranuar nga asnjë vend anëtar i NATO-s.
“Qeveria nuk ka njohur paqe në luftën ndaj krimit dhe nuk ka kthyer kurrë kurrizin ndaj Italisë dhe vendeve mike. Këtu pranë jeton një komunitet afgan, njerëz që janë larguar nga vdekja pas rënies së Kabulit, njerëz që nuk janë pranuar nga asnjë vend anëtar i NATO-s. Vetëm një pjesë e tyre shkuan në SHBA.
Disa gazetarë investigativë vijnë këtu dhe nuk shikojnë afganët, nuk shohin qindra emigrantë që kanë ikur nga vdekja, por shohin shpirtra të kriminalitetit, që ekzistojnë në mendjet e tyre kur paguajnë biletat për të ardhur në Shqipëri, për të informuar publikun me shkrime që janë parapërgatitur. Unë jam krenar për Shqipërinë që mund t’i shërbej Italisë”, tha Rama.
