Pas vendimit të KQZ për të mos i ndërprerë mandatin kryebashkiakut të Kuçovës, Kreshnik Hajdari, ka reaguar kundërshtari i tij në 14 maj, Lefter Maliqi.
Sipas tij, një vendim i tillë është i turpshëm, madje e cilësoi si një skandal i madh.
“Poshtë diktatura. Diktatori Edi Rama ka blerë KQZ, turp i madh dhe një skandal i madh, ky që bën ky këtu bashkë me këta, është turpi më i madh i Shqipërisë, e kemi votuar në parlament, që kur jep deklarime të rreme, automatikisht lë mandatin, këta nuk pyesin as parlament, as Gjykatë e Lartë”, u shpreh Lefter Maliqi.
Kryekomisioneri Ilirjan Celibashi, tha sot në mbledhjen e KQZ se nuk ka një shkak ligjor që kryetarit të Bashkisë Kuçovë t’i ndërpritet mandati.
