Pasi KQZ nuk i hoqi mandatin kryebashkiakut të Kuçovës Kreshnik Hajdarit, koalicioni “Bashkë Fitojmë” ka apeluar vendimin në KAS.
Vendimin e kryekomisionerit Ilirjan Celibashi, “Bashkë Fitojmë” e konsideron “absurd dhe haptaz në kundërshtim me ligjin”.
Avokatët që përfaqësojnë koalicionin “Bashkë Fitojmë”, kërkojnë të ndërpritet para kohe mandati i kryetarit të Bashkisë së Kuçovës.
Hajdari ka një dënim në vitin 1999 nga Gjykata e Janinës në Greqi për kalim të paligjshëm të kufirit.
Por, KQZ në mbledhjen e së martës tha se vepra penale për kalim të paligjshëm të kufirit për të cilën është dënuar, nuk është një pengesë ligjore për të marrë një funksion publik, dhe lejoi Hajdarin që të vazhdojë mandatin si kryebashkiak.
Kujtojmë se aktualisht Hajdari është marrë i pandehur nga SPAK për falsifikim të formularit pasi nuk ka deklaruar këtë dënim./Opinion.al
