Komisioni Qendror i Zgjedhjeve po vijon procedurat ligjore për zëvendësimin e deputetëve të cilët kanë dorëzuar mandatet. Në një dalje për mediat, zëdhënësja e këtij institucioni, është shprehur se kandidatët që vijnë poshtë deputetëve në listë, duhet të dorëzojnë formularin e vetëdeklarimit brenda dhjetë ditësh nga njoftimi.
“Komisioni Qendror i Zgjedhjeve ju bën me dije se,në KQZ mbërritur kërkesa e Kuvendit të Shqipërisë për plotësimin e vendeve vakante për 57 deputetë të dorëhequr. KQZ konfirmon vijimin e procedurave të mëtejshme në zbatim të nenit 164 të Kodit Zgjedhor.Ligji i kërkon KQZ-së që të kontaktojë kandidatët e listave respektive sipas radhës dhe t’u kërkojë atyre plotësimin e formularit të vetëdeklarimit pa të cilin nuk mund të marrin vertetimin e zgjedhjes. Kandidatët e listës shumemërore kanë afat 10 ditë për dorëzimin e formularit të vetëdeklarimit”, është shprehur zëdhënësja e KQZ-së gjatë deklaratës për mediat.
Kandidatët që vijnë në radhë në listat e partive, e kanë dorëzuar këtë formular në vitin 2017, por afati i tij është dy-vjeçar, ndaj duhet ta dorëzojnë për herë të dytë. Nëse brenda afatit prej 10 ditësh, këta kandidatë nuk e dorëzojnë këtë formular, u digjet e drejta për të marrë mandatin dhe ftesa u bëhet kandidatëve pasardhës në listë./Opinion.al
