Komisioni Qendror i Zgjedhjeve ka miratuar fondet vjetore për partitë politike për vitin 2024.
Në total, 11 parti politike kanë marrë nga buxheti i shtetit 345.6 milionë lekë.
Partia më e madhe që merr më shumë fonde është Partia Socialiste, e cila ka marrë 151.4 mln lekë, e ndjekur nga PD-ja, me 106.6 mln lekë dhe e treta Partia e Lirisë me 15.5 mln lekë.
Partia Republikane merr 11.4 mln lekë, PDIU merr 9.7 mln lekë, ndërsa social demokratët 12.3 mln lekë. PBDNJ, PAA, PLL dhe LZHK përfitojnë nga 8 mln lekë.
Ndërkohë, Rithemelimi mbetet pa financim, duke qenë se vulën e PD e mban Lulzim Basha.
Partitë i marrin paratë kur të depozitojnë raportet financiare për vitin 2023.
