Krenar Rryçi dhe Kristaq Papa janë kandidatët e radhës të cilët morën mandatin nga Komisioni Qendror i Zgjedhjeve.
Krenar Rryci vjen nga lista shumëemërore e Partisë Demokratike në qarkun e Durrësit, ndërsa Kostaq Papa, vjen po nga listat e Partisë Demokratike, por në qarkun Tiranë.
Ndërkohe Kandidatja për deputete nga lista emërore e LSI-së në qarkun e Gjirokastrës, Suzana Topi duket se do të jetë deputetja e re e Kuvendit të Shqipërisë, pasi ka dorëzuar në KQZ formularin e dekriminalizimit.
Kështu numri i deputetëve të parlamentit, i cili arriti në 115 paraditen e së enjtes pas betimit të tre deputetëve, pritet të rritet edhe më tej në seancën e radhës. /Opinion.al
