KPK ka shkarkuar nga detyra Prokurorin e Tiranës Dritan Rreshka. Vetë subjekti nuk ka qenë i pranishëm në sallë, por është përfaqësuar nga përfaqësuesi i tij ligjor.
Trupa gjykuese pasi shqyrtoi të gjithë dokumentacionin dhe dëgjoi subjektin e rivlerësimit në seacën e datës 27 Korrik 2018, e konsideroi të përfunduar seancën dëgjimore dhe vendosi shkarkimin nga detyra te drejtuesit te Prokurorisë së Rrethit Gjyqësor Tirane.
Dritan Rreshka ishte drejtuesi i komanduar i Prokurorisë së Tiranës dhe kandidat për Këshillin e Lartë të Prokurorisë.
Seanca dëgjimore për rivlerësimin e prokurorit Rreshka u drjtua nga Valbona Sanxhaktari, me anëtare Xhensila Pine dhe Etleda Çiftja.
Dritan Rreshka ka mbaruar Shkollën e Magjistraturës dhe e ka filluar karrierën në organin e akuzës në vitin 2003 si prokuror në Prokurorinë e Tiranës. Më vonë, ai ka mbajtur pozicionin e drejtuesit të njësisë hetimore kundër krimit ekonomik-financiar dhe korrupsionit në të njëjtën Prokurori.
