Kolegji i Posaçëm i Apelit ka rikthyer në detyrë prokurorin Hysen Ketën.
Drejtuesi i Prokurorisë së Përmetit, Hysen Keta i cili u shkarkua nga detyra më 25 korrik 2019 pas disa problemesh me pasurinë të konstatuara nga Komisioni i Pavarur i Kualifikimit.
Vendimi i arsyetuar i KPK-së tregonte asokohe se prokurori Keta, i cili ka punuar për më shumë se një dekadë në Prokurorinë e Përgjithshme, u penalizua për shkak të deklarimit të pamjaftueshëm të kostove reale të ndërtimit të dy shtëpive mbi një truall të trashëguar nga babai në Tiranë.
Komisioni arriti gjithashtu në përfundimin se subjekti nuk kishte pasur aftësi financiare për të mbuluar investimet, nuk arriti të dokumentonte të ardhurat nga avokatia në fillim të viteve ’90 si dhe nuk deklaroi ndër vite disa pasuri në emër të tij dhe të familjarëve.
