Një vajzë ka goditur babin e saj pas një konflikti të çastit, mbrëmjen e djeshme në Kosovë. Sipas raportimit të policisë, ngjarja ka ndodhur rreth orës 21:40 të ditës së djeshme.
Zëdhënësi i policisë për rajonin e Ferizajt, Kanun Veseli, ka thënë për Telegraf, se pas një mosmarrëveshje dy persona kanë marrë lëndime te lehta trupore, ndërsa dyshohet se njëri prej tyre është lënduar me mjet të mprehtë, thikë.
“Palët e involvuara në rast janë dërguar për tretman mjekësor në qendrën emergjente ne Shtime. Lidhur me rastin është kontaktuar dhe njoftuar prokurori kujdestar, dhe me urdhrin e tij e dyshuara ndalohet për 48 orë dhe dërgohet në qendrën e ndalimit Ferizaj”, është shprehur Veseli.
Ndërkaq në raportin 24 orësh policia kishte njoftuar se është arrestuar e reja, pasi është konstatuar se pas një mosmarrëveshje kishte sulmuar babanë e saj.
