Një person ka humbur jetën pas të shtënave me armë zjarri në një lokal në Klinë të Kosovës.
Sipas njoftimit zyrtar mësohet se ngjarja ka ndodhur rreth orës 16:40 në një lokal në rrugën “Leonard Palucaj”.
Nga të shtënat u plagos një person i cili u dërgua menjëherë në spital por për shkak të plagëve të marra ka humbur jetën pak orë më vonë.
Ndërkohë autori i dyshuar i shpallur në kërkim, është arratisur nga vendi i ngjarjes.
“Rreth orës 16:40 policia është njoftuar se në një lokal në rrugën “Leonard Palucaj” në Klinë ka pasur të shtëna me armë zjarri. Policia ka dalë menjëherë në vendin e ngjarjes.
Nga këto të shtëna një person është plagosur dhe është dërguar për trajtim mjekësor në Qendrën e Mjekësisë Familjare në Klinë. I dyshuari është arratisur nga vendi i ngjarjes dhe policia është në kërkim të tij”, tha policia.
Ndërkohë bëhet me dije se zëdhënësi i Prokurorisë së Pejës, Shkodran Nikçi tha se lidhur me këtë rast prokurori i Krimeve të Rënda është duke hetuar në vendin e ngjarjes.
