Protesta e studentëve ka vazhduar edhe sot me kërkesën për shkarkimin profesorit të Universitetit të Prishtinës, Xhevat Krasniqi, i cili po akuzohet nga studentët për ngacmim seksual.
Studentët këtë të fundit nuk po e lejojnë të dal nga salla ku është mbajtur mbledhja e Këshillit të Etikës të Universitetit të Prishtinës.
“Ti mu më ke thënë kam be të bo masazh. Pikë. Të kam pa me sy dhe të kam ndi me vesh, mos u ka me lojëra fjalësh. Ti na shkaktu trauma. Nuk mjafton falja, edhe prindërve tanë u ke shkaktuar stres”, i drejtohet studentja pedagogut, ndërsa studentët e tjerë i thonë se duhet të kërkojë falje dhe të ikë nga puna.
Profesori Xhevat Krasniqi po akuzohet nga 27 studentë për ngacmim seksual, shkruan Kosova Press.
Lëvizja Feministe Studentore për të disaten ditë me radhë po proteston para rektoratit të UP-së, e kësaj radhe në sallën e Administratës Qendrore të UP-së, ku edhe nuk lejuan daljen e profesorit nga salla. Aty më pas shihet se kanë hyrë edhe zyrtarët policorë.
@fol_shlire♬ Very Sad – Enchan
