Lidhja Demokratike e Kosovës (LDK) ka njoftuar se sot në orën 13:15, do të dorëzojë kallëzim penal në Prokurorinë Speciale ndaj kryeministrit në detyrë Albin Kurti dhe disa ministrave në detyrë, të cilët janë betuar si deputetë të Kuvendit.
Lajmi bëhet i ditur nga mediat në Kosovë, të cilat shkruajnë se sipas LDK-së, kallëzimi penal ka të bëjë me dyshimet për keqpërdorim të detyrës zyrtare.
Gjithashtu, LDK thekson se, meqë Kurti dhe ministrat kanë dhënë dorëheqje nga funksionet ekzekutive për t’u bërë deputetë, ata nuk kanë të drejtë të vazhdojnë ushtrimin e detyrës si pjesë e Qeverisë në detyrë.
LDK-ja e kishte paralajmëruar më herët këtë hap, duke e cilësuar veprimin e Kurtit dhe bashkëpunëtorëve të tij si shkelje të ligjit dhe tejkalim të kompetencave.
