Janë zyrtarizuar formacionet e ndeshjes që do të zhvillohet në Shkodër mes Kosovës dhe Kroacisë. Trajneri Bunjaki ka zgjedhur të bëjë disa ndryshime në krahasim me ndeshjen e kaluar ndaj Finlandës duke ulur në stol sulmuesin Bunjaku, mesfushorin Alushi apo mbrojtësin Rrahmani duke aktivizuar në vend të tyre Celinën, Zenelin dhe Pepën. Në formacionin kroat bie në sy mungesa e të dëmtuarve si Modriç, Rakitiç apo Lovren.
FOTO/ Kosova luan me uniformën e dytë ndaj Kroacisë Edhe pse luan në shtëpi, Kosova do të veshë mbrëmjen e sotme uniformën e dyta me ngjyrë të bardhë në takimin përballë Kroacisë. Kjo vjen si pasojë e ngjashmërisë së uniformave të para dhe të dyta të të dyja ekipeve.
