Një çift bashkëshortësh kanë humbur jetën ditën e Krishtlindjes në Kosovë.
Sipas policisë së Kosovës bëhet fjalë për biznesmenin Mic Tofaj dhe bashkëshorten e tij Fatlinda Maloku-Tofajt.
Të dy bashkëshortët u gjendën të pajetë në një shtëpizë, ku mesa duket kishin shkuar për të festuar.
Dyshimet e para janë që bashkëshortët kanë humbur jetën si pasojë e energjisë elektrike, por ende nuk janë dhënë më shumë detaje.
“Sot rreth orës 11:30, stacioni policor në Junik është njoftuar se në Bjeshkët e Junikut dy persona kanë vdekur. Njësitet kompetente menjëherë janë nisur në atë drejtim bashkë me mjekun kujdestar. Me të arritur kanë hasur në dy viktima. Vdekjen e ka konstatuar mjeku kujdestar. Dyshohet se shkaktar ka qenë rryma, nuk ka të bëjë me bombol gazi. Viktimat dyshohet se janë asfiksuar”, tha në një reagim paraprak, zëdhënësi Fadil Gashi./Opinion.al
