Kryetari i LDK-së, Lumir Abdixhiku, ka reaguar pas situatës në veri të Kosovës, duke u shprehur se moskoordinimi me aleatë e në veçanti me SHBA-në është akt anti-shtetar.
Abdixhiku pyeti se kujt i shërben kryeministri i vendit, Albin Kurti, dhe se çfarë përfiton Kosova kur i dhuron, sipas tij, Serbisë të gjithë aleatët e saj.
“Politika e matur, politika me miq, është rruga e vetme e Kosovës. Gjithçka tjetër çon në theqafje; ku dhe jemi nisur me një Kryeministër si ky”, shkroi Abdixhiku.
Ai tha se kërkon koordinim të ngushtë me aleatët e vendit.
Kujtojmë se pas situatës në veri, Departamenti Amerikan i Shtetit ka thënë se “veprimet në veri do të kenë pasoja në marrëdhënien bilaterale ShBA – Kosovë”.
Ndërsa, Bashkimi Evropian tha se nuk do të pranojnë asnjë veprim të metejshëm të njëanshëm ose provokues./klankosova
