“Financial Times” ka korrigjuar intervistën e bërë nga kryeministri Edi Rama dhe këtë fakt e ka bërë të ditur gazetari Marton Dunai.
Rama dha një intervistë më 3 tetor, e cila shkaktoi shumë komente negative.
Përmes një postimi në rrjetin social “X”, gazetari i “Financial Times”, është shprehur se ka pasur një gabim në shtrimin e tij.
Më parë në shkrim thuhej se “Kosova është një pikë e nxehtë dhe me kalimin e viteve është bërë një tokë e askujt ku kombinohen të gjitha llojet e krimeve”.
“E kemi ndryshuar këtë artikull për të sqaruar se kryeministri shqiptar po diskutonte problemet në veri të Kosovës, jo në të gjithë vendin”, shkruan gazetari i “Financial Times”, Marton Dunai në rrjetin social “X”.
Në artikullin e “Financial Times”, Rama ka përsëritur kërkesën për rivendosjen e kontrollit të veriut të Kosovës nga ana e NATO-s. Kryeministri shqiptar iu ka bërë thirrje liderëve perëndimorë për të zgjidhur “çmendurinë e pafund” ndërmjet vendeve të Ballkanit.
“NATO duhet të rivendosë kontrollin e veriut të Kosovës ose të përballet me dhunën e vazhdueshme midis serbëve etnikë dhe shqiptarëve në rajon, sipas kryeministrit të Shqipërisë”, citon kryeministrin e Shqipërisë gazeta “Financial Times”./Opinion.al
We have amended this article to clarify Albanian PM @EdiRamaPM was discussing troubles in Northern Kosovo, not the entire country.https://t.co/c6vXO9A5rp via @ft
— Marton Dunai (@mdunai) October 4, 2023
