Shteti i Kosovës ka nisur sot zyrtarisht procedurat ligjore të konfiskimit të pasurive të ish-nënkryetarit të Listës Serbe, Milan Radoicciç i cili mori përgjegjësinë për aktin terrorist në Banjskë më 24 shtator të vitit të kaluar.
Ministrja e Drejtësisë, Albulena Haxhiu, deklaroi se dikstari që drejton përmes zyrtarëve të Agjencisë për Administrimin e Pasurisë së Sekuestruar dhe të Konfiskuar, kanë nisur zbatimin e urdhrit ndalues përfundimtar me masë të përkohshme, lidhur me pasuritë e paluajtshme në rastin Banjska.
“Agjencia ka filluar identifikimin e pasurive të përmendura në urdhrin e sipërpërmendur, duke përfshirë edhe vilën e cila konsiderohej të ketë qenë e kryekriminelit, Milan Radojiçiç tek Liqeni i Ujmanit në Zubin Potok dhe pasuritë e tjera, në përputhje me Ligjin për Administrimin e Pasurisë së Sekuestruar dhe të Konfiskuar, si dhe me urdhrin e gjykatës”, tha ajo.
