Tifozët e Partizanit kanë gjetur një mënyrë origjinale për t’iu përgjigjur tifozëve serbë të Crvena Zvezdës. Në derbin e madh të kryeqytetit, grupimi i organizuar, “Ultras Guerrils”, shpalosi ndër të tjera, dhe një hartë të kufijve shtetërorë të Kosovës, ndërsa në mes e gjitha ishte e kuqe dhe me shqiponjën dykrenare në qendër, duke iu kundërvënë tifozerisë “Delije” të Yllit të Kuq të Beogradit, që në derbin e atij qyteti shpalosën hartën e Kosovës në mes të flamurit serb. Gjetja origjinale e tifozëve të Partizanit, që u shoqërua dhe me thirrjet “Kosova është zemra e Shqipërisë” apo “Shqipëri Etnike”, kishte dhe një parrullë që sulmonte historinë e vendit fqinj në lidhje me çështjen e Kosovës. Për më tepër ndiqni videon.
